ازاي تسافر برة مصر بأقل التكاليف

 هل انت عارف وظيفتك المناسبة لمهاراتك؟

في ناس بتعيش عمرها كله بتشتغل حاجة معينة وهي دايما جواها شعور بيقولها ان ده مش مكانها المناسب، فإيه يضمنلك انك في المكان الصح اللي متوافق مع مهاراتك وامكانياتك؟

هل ممكن تصنيف البشر لمعرفة أنسب الوظايف؟

ده اللي فكر فيه عالم امريكي في مجال علم النفس اسمه "جون هولان"، هولاند شاف ان البشر ممكن تصنيفهم ل6 أنواع نقدر من خلالهم نعرف ايه الوظائف المناسبة للشخصيات دي وكان التصنيف كالآتي...

الواقعيون.
الفضوليون.
الفنيون.
الاجتماعيون.
المبادرون.
المعتادون.

وده بنعرفه عن طريق اختبار صغير بيتعمل قبل التقديم على الوظيفة معروف غالبا باسم "كود هولاند" وهم عبارة عن 6 حروف اللي هم RIASEC، بتقدم على اختبار وبتحط فيه اجاباتك وعلى اساس كل اجابة بتكون بتقرب من حرف من ال6 وفي النهاية بتشوف ايه اقرب 3 أرقام ليك على اساسهم بتتعرف على شخصيتك أكتر.

ومع تطور التكنولوجية أصبح الإختبار ده متاح حاليا على الانترنت وتقدر تدخل وتجربه بنفسك من هنا.

والفيديو ده هيوضحلك طريقة الاختبار...