هل السفر فقط للأغنياء؟
كتير من الناس معتقد ان محدش بيسافر غير الغني اللي معاه فلوس, لكن ده مفهوم غلط جدا وانت كحد متوسط الحالة المادية تقدر برضه تسافر وتعيش حياتك وممكن كمان متتكلفش فلوس.
ازاي تسافر ببلاش؟
فيه أكتر من طريقة تقدر من خلالهم تسافر ببلاش ويمكن أبرزهم هم المنح والتطوع والمؤتمرات وده بيوفرهولك أكتر من موقع وأبرزهم عربيا موقع مرجع وموقع فرصة.
أما عالميا فعندك موقع workaway وموقع wwoof وموقع couchsurfing .
أو ممكن تستخدم تطبيق أو موقع hitchhiker وده من خلاله هتقدر تاخد معاك شوية حاجات بيحتاجلها مواطن في البلد اللي انت من سافرها وبتاخد فلوسها فتقدر تجمع فلوس سفريتك من خلاله.
ازاي تسافر بأقل التكاليف؟
علشان تقدر تسافر بأقل التكاليف لازم تجيب تذكرة رخيصة وتناسب فلوسك وده اللي بيوفره أكتر من موقع وأشهرهم وأهمهم skyscanner وفيه كمان موقع traveloka.
ودول من خلالهم تقدر تشوف أرخص سعر طيارة متوجهة للبلد اللي انت حابب تسافرلها خلال العام.
ومن أسهل البلاد اللي ممكن تسافرلها هم ماليزيا-إندونيسيا-الأردن لأن ملهمش تأشيرة.
الإقامة:
طبعا أول ما هتوصل أول حاجة هتفكر فيها هو المكان اللي هتعيش فيه في فترة سفرك وده لو كنت حابب توفر فيه فممكن تنزل في هوستل وهي عبارة عن حجرة بيشاركك فيها بعض الأشخاص ودي بتكون فرصة كويسة انك تتعرف على عدد أكبر من الأشخاص وأهم مواقع للهوستل هم hostelworld و booking و agoda.
أما بقى لو حابب توفر فلوس السكن فممكن تنزل في ضيافة أحد السكان وده هيسهلهولك موقع couchsurfing اللي اتكلمنا عنه من شوية.
أما بالنسبة للتنقلات فيفضل انك تتمشى للأماكن القريب أو انك تشاور بايدك وتركب أي حاجة بسيطة معدية زي موتسيكل مثلا.
وبالنسبة للأكل فبلاش مطاعم علشان توفر فلوسك...حاول تاكل من أكل البلد علشان توفر وبالمرة تبقى عرفت أهم أكلات البلد دي وجربتها.
لو المقالة عجبتك شاركها مع صحابك وادعيلي.
تعليقات
إرسال تعليق