من اللغات اللي لقيت كتير مهتم بيها وبيدور على طرق تعليمها هي اللغة الألمانية وبم ان الحدث الأهم الفترة دي هو ماتش بايرن ميونخ والأهلي في كاس العالم فانا قولت أستغل الفرصة واكتبلكم المقالة دي عشان تعرفوا ازاي تتكلموا ألماني من الصفر.
لو عايز تبدأ في كورس كويس فتقدر تدخل هنا وهتلاقي كورسين تقدر تاخد اللي تحبه منهم الكورس الأول 93 درس بمعدل 32 ساعة أما الكورس التاني 219 درس بمعدل 67 ساعة بس أضمنلك بعدهم انك هتلاقي فرق كبير جدا وهتلاقيك بتتكلم ألماني بسهولة.
طب نفرض جدلا وده شبه مستحيل طبعا انك مثلا مستفدتش ومحتاج مكان تاني بأسلوب تاني تتعلم منه ألماني!
المشكلة دي اتحلت لما قرر الأستاذ ابراهيم عادل إطلاق منصة طليق اللي بتشمل أكتر من لغة اللي من ضمنهم طبعا اللغة الألمانية وتقدر تدخل على طول على كورس الألماني على قناة طليق على اليوتيوب من هنا.
تقدر كمان تتعلم ألماني عن طريق Dijle Bedro اللي بتقدم دروس لتعلم اللغة الألمانية للمبتدئين من أول مستوى A1وممكن تدخل وتشوف قوايم التشغيل وتبدأ من مستواك الحالي من هنا.
وممكن تتعلم برضه عن طريق قناة الأستاذ حسن عبدالعزيز على يوتيوب اللي عنده أكتر من 170 درس قادرين يطوروك بشكل ناجح في اللغة الألمانية وتقدر تدخل قناته من هنا.
أظن بعد كل دول هتقدر تتكلم ألماني وملكش أي حجة.
تعليقات
إرسال تعليق