أهمية إنشاء بريد الكتروني
أصبحنا في حياتنا اليومية بنستخدم وسائل التواصل الإجتماعي بشكل مستمر، وعلشان نقدر من البداية ننشئ حساباتنا الشخصية دي على وسائل التواصل الإجتماعي بنحتاج بريد الكتروني.
وطبعا البريد الإلكتروني المعتاد للغالب بيكون عبارة عن (ياهو، جيميل، هوتميل...الخ) ودول زي ما أغلبنا يعرف بيحتاجوا وقت علشان نعملهم زي اننا بندخل بياناتنا زي الإسم واللقب وتاريخ الميلاد والنوع ورقم الهاتف..الخ.
وده اللي بيكون متعب للبعض بالذات ان أوقات بيقابلنا مشاكل زي ان رقم الهاتف الخاص بيك مستخدم في حسابات تانية ومش بيكون معاك غيره.
أهمية عمل بريد الكتروني مؤقت
وعلشان كده المقالة دي مهمة، علشان من خلالها هتوفر على نفسك كل المجهود ده وهتختصر الوقت، لأنك خلال ثواني معدودة هتقدر تنشئ بريد الكتروني وتسجل في أي موقع تحبه من خلاله.
بيتميز البريد الإلكتروني المؤقت بسهولة انشاءه واستخدامه وبسرعته الملحوظة في استلام الرسايل على مختلف المواقع.
أهم المواقع لعمل حساب بريد الكتروني مجاني
فيه مواقع كتير بتقدملك خدمة البريد الإلكتروني المؤقت، لكن من خلال تجربتي الشخصية لقيت ان فيه 3 مواقع منهم ممتازيين جدا ومشهورين بسبب سهولة استخدامهم وسرعتهم وانهم مقبولين على وسائل التواصل الإجتماعي والمواقع التانية وانهم بيدوا أكتر من دومين مشهور زي com أو net.
الموقع الأول Temp mail:
وهو موقع معروف بيعملك حسابات بريد الكتروني مؤقتة بشكل سريع جدا ومميز ومن أكتر المواقع اللي البريد الإلكتروني بتاعها مقبول في أكتر من موقع وبالمناسبة على رأسهم نتفيلكس.
وعلشان تدخل للموقع وتبدأ استخدامه اضغط هنا.
تاني موقع هو مؤقت:
وده من المواقع اللطيفة جدا واللي بقاله سنين طويلة على الساحة وبيستخدمه في اليوم أكتر من 90 مليون شخص والرقم ده طبعا يطمنك بشكل كبير ان الموقع ده يأدي الغرض المطلوب منه وبشكل سريع.
علشان تروح لموقع مؤقت وتبدأ شغل عليه اضغط هنا.
تالت موقع هو موقع مهمل:
وتقريبا ده أقرب المواقع لقلبي وكان أول واحد استخدمه بشكل شخصي وبيريحني جدا في استخدامه والحلو فيه هو دوميناته المميزة وانه سريع الإستجابة ومقبول في أغلب المواقع.
علشان تدخل موقع مهمل وتبدأ استخدامه اضغط هنا.
لو حابب تشوف طريقة استخدام المواقع دي فالفيديو ده هيفيدك...
وممكن تشوفه بشكل مباشر على يوتيوب من هنا
طبعًا فيه مواقع كتير غير دول بس زي ما قولتلك ان دول أفضلهم وعن تجارب شخصية مع أكتر من موقع.
وطبعًا متنساش لو المقالة دي عجبتك واستفادت منها شاركها مع صحابك وخليك جزء من الخير.
تعليقات
إرسال تعليق