تعتبر الموسيقى أو المؤثرات السمعية من الحاجات اللي بتأثر بشكل كبير في اي محتوى بيتقدم، فلو كانت الموسيقى أو المؤثرات حلوين ومريحين المحتوى ده بينال الإعجاب أما لو كانوا مزعجين فطبيعي المحتوى مينالش على الإعجاب اللي كان منتظر ليه.
وبيقابل كتير من صناع المحتوى مشكلة حقوق الطبع والنشر وأوقات بيستخدكوا موسيقى أو مؤثرات ليها حقوق وده بيعرضهم لمشاكل كبيرة بعد كده، ففي المقالة دي جبتلك أفضل مكانيين من وجهة نظري ممكن تلجأ ليهم وتستفاد بيهم أكبر استفادة ممكنة.
وتقدر تستخدم الموسيقى دي على أكتر من منصة وأبرزهم طبعا يوتيوب لإن الموسيقى دي بدون حقوق طبع ونشر على اليوتيوب وهتشوف دلوقتي بنفسك.
الطريقة الأولى:
أول طريقة معانا هو موقع اسمه free play music وهو موقع تقدر من خلاله انك تلاقي آلاف المقاطع المجانية وبتاخد منه ملف يثبت ان ليك حرية استخدام الموسيقى دي بس بتمشي على شوية خطوات كده هشرحهالك في الفيديو اللي هتلاقيه في آخر المقالة ولازم تتبع الخطوات دي علشان متعرضش نفسك لمشاكل بعد كده.
وتقدر تروح للموقع ده من هنا.
الطريقة الثانية:
ودي بتكون عن طريق اليوتيوب نفسه لأن مش كتير مننا يعرف ان اليوتيوب عاملك مكتبة ملفات صوتية تقدر تاخد منها الموسيقى والمؤثرات الصوتية اللي انت محتاجها وبدون حقوق طبع ونشر ولو عايز تاخد حاجات ليها حقوق فبيخليك تاخدها بس بيقولك على شوية شروط لازم تتبعها وأعتقد انك مش هتلجأ للخطوة دي بسبب ان الموسيقى اللي ملهاش حقوق عليها حلوة جدا وكفاية اوي وتقدر تستخدمها.
وتقدر تروح للمكتبة دي بالطريقة اللي هوضحهالك في الفيديو.
ولو حابب تشوف الفيديو بشكل مباشر على يوتيوب من هنا.
أتمنى تكون المقالة عجبتكم ولازم تشوف الفيديو علشان تعرف الطريقة الصح ومتعرضش نفسك لمشاكل ، وشارك المقالة مع صحابك اللي محتاجين مواضيع زي دي علشان تكون جزء من الخير.
تعليقات
إرسال تعليق